Fabio Paratiçi u largua nga skuadra e Juventusit për të marrë të njëjtën detyrë tek skuadra e Totenhemit në Angli.
Këtë verë spërsat ishin një ndër klubet më aktive në merkato duke afruar emra si Romero i Atalantës apo Emerson i Barcelonës. Megjithatë, Paratiçi ka marrë dhe një rol tjetër në skuadër, atë të vëzhguesit kritik në ndeshjet që luan Totenhemi.
Këtë gjë ua lejon protokolli i Covid-19 dhe deri në tetor Paratiçi së bashku me drejtorin e perforamancës së klubit Stiv Hitçen do të jenë të pranishëm në stolin e skuadrës.
Kjo gjë nuk u ka pëlqyer lojtarëve të cilët duhet të përtypin kritikat dhe të bërtiturat e drejtorëve të tyre, madje sipas ‘’Daily Mail’’ burime pranë klubit të Totenhemit janë shprehur se futbollistët nuk mund të flasin as lirshëm kur kanë të pranishëm Paratiçin te koka.