Gian Piero Gasperini dhe lufta për titull.
Trajneri i Atalanta-s ka folur në konferencë për shtyp në prag të ndeshjes së kampionatit me Inter-in:
“Janë luajtur vetëm pesë javë në kampionat, por vlerat janë të qarta. Inter, Milan dhe Napoli kanë sigurisht diçka më shumë. Është e kotë që të vazhdojmë të shikojmë titullin. Fiorentina dhe Torino janë në kategorinë tonë”, ka thënë Gasperini.
“Është e qartë se do të kërkojmë të përmirësohemi, duke shpresuar që dikush të pengohet. Edhe Juventus, që e ka nisur keq, do të ngjitet. Do të jetë një kampionat i ashpër për të gjitha skuadrat, janë përforcuar të gjitha”.
