Giorgio Chiellini nuk është fshehur pas humbjes së pësuar kundër Napoli-t.
Mbrojtësi ka folur për DAZN në lidhje me fillimin e keq të sezonit në këtë kampionat, por ka folur edhe për rolin e Paulo Dybala pas lamtumirës së Cristiano Ronaldo-s.
“Lamtumira e Cristiano Ronaldo? Duhet të ndryshojmë mënyrën e lojës. Kur ke një lojtar si Cristiano është e pamundur të mos luash për të: duhet t’i jemi mirënjohës. Tani duhet të shikojmë përpara: kjo do të jetë skuadra e Dybala”, ka thënë Chiellini.
“I ka ulur pak mesataret për shkak të pranisë së Ronaldo-s, por është ai lojtari kyç për këtë skuadër dhe të gjithë e dimë këtë”.
Në lidhje me humbjen kundër Napoli-t:
“Besoj se duhet të jemi të kënaqur me paraqitjen e bërë pavarësisht mungesave që kishim. E vetmja gjë që mund të bëjmë tani është të punojmë. Pas Empoli-t i jam afruar Allegri-t dhe i kam thënë atë që po them sot: duhet të punojmë”.
