Arbitri turk Çynejt Çakir u bë pre e akuzave pas vendimeve skandaloze që ndërmori ndaj Milanit në sfidën me Atletiko Madridin në Ligën e Kampionëve.
U përfol shumë se do të kishte një dënim të ashpër ndaj gjyqtarit turk, por ajo që ka ndodhur ka tërbuar dhe më tej klubin kuqezi. UEFA ka vendosur të mbyllë sytë dhe të emërojë Çakir si gjyqtarin kryesorë në sfidën Gjermani-Rumani që do të luhet të premten për kualifikueset e Botërorit.
Një vendim surprizues që ka marrë reagime të shumta, teksa UEFA jo vetëm që nuk e dënon, por “e gradon” duke e caktuar në një sfidë eliminatore.
