Pak dyshime për trajnerët e Atalantës dhe Milanit në prag të përballjes së radhës mes tyre. Kuqezinjtë, të detyruar edhe nga dëmtimet, mund të propozojnë formacionin e Champions-it edhe sonte mbrëma, me ndryshimin e vetëm që Kesi të luajë në vend të Benaserit me në krah Tonalin.
Kjaer e Mesias do të grumbullohen, por vështirë t’i shohim titullarë. Pak ndryshime edhe për bluzinjtë. Iliçiç do të jetë në formacion ndryshe nga Champions-i ku u aktivizua Malinovski.
Dilema edhe në zgjedhjen mes Pasaliçit dhe Pesinës, me këtë të fundit të avantazhuar. Në prapavijë do të luajë Gjimshiti me Demiralin dhe njërin mes Toloi dhe Palominos, teksa pasha e sulmit do t’i besohet Zapatës.
