Mbrojtësi i krahut i Inter-it, Denzel Dumfries, ka folur për Sportmediaset në lidhje me përshtatjen e tij me realitetin italian dhe për derbin e Italisë kundër Juventus-it të dielën në mbrëmje:
“Fitorja në Champions mund të jetë një kthesë? Po, ka qenë shumë e rëndësishme veçanërisht pas humbjes kundër Lazio-s. Kemi bërë një punë të mirë”, ka thënë holandezi,
“Isha mësuar me një sistem loje plotësisht të ndryshëm në krahasim me atë që përdorim, më pas ambienti, një vend i ri, persona të rinj, kështu që e pranoj se ndonjëherë është e vështirë, por kërkoj të jap maksimumin, provoj ta bëj çdo ditë”.
Dumfries ka marrë vendin e Hakimi-t te zikaltrit, por nuk e ndjen presionin: “Ai ka bërë një kampionat të madh sezonin e kaluar dhe një punë të shkëlqyer. Tani është radha ime dhe unë besoj te vetja ime dhe e di se ka ardhur momenti im”.
Për derbin e Italisë: “Një ndeshje historike që vë përballë dy klube të mëdha, dy prej skuadrave më të mëdha italiane dhe jam i përqendruar te ndeshja. Do të jetë një ndeshje e bukur”.