Gjithçka është gati te Milani për rinovimin e kontratës së një prej lojtarëve më të mirë të këtij sezoni, pikërisht Rafael Leaos.
Portugezi është shndërruar në liderin e së tashmes dhe është kandidat për të qenë një ndër liderët e kuqezinjve për të ardhmen dhe për këtë arsye “Djalli” është gati të trefishojë pagën e tij për të shmangur çdo tundim.
Sipas asaj që raporton e përditshmja sportive italiane “La Gazzetta dello Sport”, sulmuesi 22-vjeçar do të nënshkruajë një marrëveshje deri në vitin 2026, ku paga do të shkojë nga 1,5 milionë euro në 4 milionë euro në sezon plus bonuset që mund të arrijnë deri në 4,5 milionë euro në sezon.
Një vlerësim që nga fjalët e drejtuesve dhe trajnerit, është gati të kalojë në fakte.
Gjatë këtij sezoni me fanellën e Milanit në Serinë A, Leao është aktivizuar në 21 ndeshje nga ku e ka tundur rrjetën 7 herë dhe ka dhuruar dhe 4 asist.
