Jasir Asani mund të rikthehet te Partizani në merkaton e janarit, në formë huazimi nga ekipi hungarez i Kisvardas.
Në Hungari, aventura nuk ka shkuar shumë mirë për Asanin dhe në parim, ka një marrëveshje xhentëlmenësh mes dy klubeve që Jasiri të rikthehet te Partizani në formë huazimi deri në fund të sezonit.
Edhe vetë sulmuesi anësor është pro një rikthimi te të kuqtë, pasi nuk i ka shkëputur për asnjë moment kontaktet me drejtuesit e klubit, ku dukshëm ka një marrëdhënie të mirë si me stafin teknik, ashtu edhe me drejtorin e përgjithshëm Olsi Rama.
Asani ka qenë një ndër lojtarët më të mirë në Superiore kur aktivizohej me fanellën e Partizanit dhe një rikthim i tij në huazim te “demat” do të ishte me benefite për të dyja palët.