E ardhmja e Robert Levandovskit është vetëm Bajern Mynih. Kontrata e sulmuesit polak përfundon në vitin 2023 dhe shumë zëra të merkatos e lidhën këtë verë me një transferim të mundshëm tek Real Madrid, por gazeta gjermane “Bild” ka shkruar se Levandovski ëshët bindur dhe do të rinovojë kontratën me Bajernin deri në vitin 2025.
Një lajm mjaft i mirë ky për bavarezët të cilët kanë kohë që po punojnë për rinovimin e kontratës të 33-vjeçarit. Levandovski është një nga sulmuesit më të mirë në botë me shifrat e tij që janë vërtetë të frikshme.
Në 339 ndeshje me bavarezët, polaku ka shënuar plot 307 gola që e rendisin krah legjendave të klubit dhe futbollit botëror.
