Për herë të parë në histori të kompeticionit një arbitre femër do të vendose drejtësi në një ndeshje për eliminatoret e Botërorit.
Katerina Monzul, nga Ukraina është zgjedhur nga UEFA si gjyqtarja kryesore e sfidës Andorra-Angli për ndeshjet kualifikuese të Grupit I, ku bën pjesë dhe Shqipëria.
40-vjeçarja ka filluar karrierën në vitin 2005 në një sfidë ndërkombëtare në futbollin e femrave, ndërsa në vitin 2016 bëri debutimin e saj në kampionatin ukrainas të futbollit.
Në nëntor të vitit të kaluar, Monzul gjykoi sfidën midis San Marinos dhe Gjibraltarit e vlefshme për Ligën e Kombeve. Ndërkohë sa i përket sfidës, asistentet e ukrainases do të jenë po femra, Marina Striletska dhe Svitlana Grushko ndërsa në VAR, Stefani Frapart nga Franca.