Tyson Fury dhe Deontay Wilder i mbushën kuletat me miliona dollarë nga lufta e tretë mes tyre për titullin e kampionit të botës në kategorinë e rëndë të shtunën.
Fury e mbrojti titullin e botës WBC në kategorinë e rëndë me një paraqitje mahnitëse, duke e nokautuar Wilderin në rundin e 11-të në një luftë të paparë, raporton Gazeta Express.
Edhe vetë boksieri britanik e puthi dyshemenë dy herë, që të dyja në rundin e katërt, por tregoi përsëri forcë magjike për t’u riaftësuar dhe për ta rimarrë veten në kohë për ta arritur triumfin madhështor.
Fury dhe Wilder i ndanë 10 milionë dollarë mes vete nga shuma e caktuar për këtë meç, megjithëse Fury i firoi 60% apo 6 milionë dollarë, ndërsa Wilderi 40 për qind apo 4 milionë dollarë.
Por kjo nuk është e gjitha që fituan ata nga lufta në Las Vegas, pasi ata përfituan edhe nga të hyrat e transmetimit të meçit në televizion.
Besohet se ata i fituan nga 18 milionë dollarë nga të ardhurat prej transmetimit të luftës.
Kjo ishte fitorja e dytë e Furyt ndaj Wilderit që e vulos mbizotërimin e britanikut ndaj amerikanit.
31-vjeçari po ashtu vijon të jetë i pamposhtur si profesionit.
