Interi pret mbrëmjen e sotme në ‘’San Siro’’, Juventusin në një sfidë e cila pritet të thotë shumë për fatet e kampionatit.
Kur bëhet fjala për ndeshje të tilla, tifozët nuk ngurojnë të kujtojnë ato të kaluarat që kanë lënë jo pak shije të hidhura. Njëra prej tyre, e vitit të kaluar e fituar nga bardhezinjtë la shumë polemika pas një penalltie inekzistente të fituar nga Kuadrado.
Gjyqtari protagonist, Xhampaolo Kalvareze është rikthyer të flasë duke u shprehur se mund të bënte dhe më mirë, pasi kolumbiani është shumë i vështirë për tu arbitruar.
‘’Ishte një ndeshje shumë e ndërlikuar, më e vështira e karrierës time. Mund të kisha bërë dhe më mirë, e them me keqardhje. Fatkeqësisht Kuadrado është lojtar shumë i vështirë për tu arbitruar. Ka lojtarë që lexohen vështirë, dhe kolumbiani është një ndër ta’’, është shprehur Kalvareze.