Legjenda e boksit Mike Tyson ka mbetur i mahnitur nga dueli mes Tyson Fury dhe Deontay Wilder, duke e vlerësuar këtë përballje si një ndër më të bukurat në historinë e këtij sporti. Ai tha se në këtë sfidë nuk pati humbës, pasi të dy boksierët dueluan fort dhe dhuruan spektakël në ring.
Fury e fitoi atë sfidë me KO në raundin e 11-të, duke mbrojtur titullin kampion bote në peshën e rëndë (WBC). “Sfida mes Fury dhe Wilder do të mbahet mend si një nga duelet më të mëdhenj në histori, për grushtet dhe emocionet që përcolli te fansat. Boksierët vendosën zemrën dhe grintën në ring”, tha “Iron Mike”.
“Në atë sfidë nuk pati humbës. Ajo ishte një përballje që kaloi çdo parashikim, çdo limit. Ata të dy arritën statusin e sfidës më të bukur”, tha Mike Tyson.
