Lilian Thuram, ish-lojtar i Juventus, Parma dhe Barcelona, ka dhënë mendimin e tij në lidhje me vërshëllimat që Donnarumma ka marrë të mërkurën në mbrëmje në San Siro:
“Nuk mund të krahasohet me racizmin, janë gjëra të ndryshme. Unë nuk e kuptoj se si njerëzit mund të harrojnë kaq shpejt: Donnarumma ka bërë mirë, ka luajtur shumë vite te Milan, më duket e çuditshme që njerëzit harrojnë menjëherë”, ka thënë francezi.
“Dhe, mbi të gjitha, luante për kombëtaren. Lamtumira? Është puna e tij, janë zgjedhje jete. Njerëzit mendojnë se është gjithmonë faji i lojtarit, por nuk është gjithmonë kështu”.
