Tirana mori një fitore të artë në derbi duke treguar se këtë sezon do të jetë skuadra pretendente për fitimin e titullit.
Bardheblutë mbajnë kreun e renditjes me 14 pikë të grumbulluara pas 6 javësh, 3 më shumë se Teuta e cila fitoi minimalisht ndaj Egnatias këtë javë. Në vendin e tretë renditet Kukësi me pikë të barabarta me “djemtë e detit”, ndërsa Vllaznia renditet e katërta në kuotën e 9 pikë, po aq sa Dinamo e vendit të pestë.
Ndërkohë Egnatia mbetet në kuotën e 8 pikëve dhe zbret në vendin e 6-të, ndërsa Laçi me fitoren ndaj Kastrioti fiton terren duke u renditur në vendin e 7-të me 5 pikë.
Partizani pa busull këtë sezon, teksa pas 6 javësh të kuqtë kanë grumbulluar vetëm 4 pikë, duke mos e provuar ende shijen e fitores për këtë sezon. Kastrioti dhe Skënderbeu plotësojnë fundin e tabelës ku respektivisht, krutanët kanë 4 pikë ndërsa korçarët 3 pikë.
REZULTATET
Të shtunën
Kastrioti-Laçi 0-1
Egnatia-Teuta 0-1
Të dielën
Kukësi-Vllaznia 2-0
Skënderbeu-Dinamo 0-1
Sot
Tirana-Partizani 1-0
RENDITJA
