Blutë janë më të karikuar për ndeshjen e sotme me Kukësin. Gjatë javës, futbollistët dhe stafi teknik kanë përfituar edhe një shpërblim, që nga burime jozyrtare mësohet se ka qenë në shumën e 10 mijë eurove në total.
Një motiv më shumë për të dhënë gjithçka në fushë. Gazeta ka mësuar se Dinamo ka shpërblim për çdo fitore dhe pas asaj me Skënderbeun javën e kaluar, skuadra ka rritur moralin, por edhe ka ngrohur xhepat.
Ndërkohë, klubi ka nxjerrë në shitje edhe biletat, teksa më e lira për këtë ndeshje kushton 500 lekë dhe është për tribunat pas portave, kurse më e shtrenjta është në sektorin VIP: 3000 lekë. Dinamo luan sot për herë të parë në stadiumin “Air Albania”.