Në orën 13:00 do të luhen edhe dy takime të tjera të Kategorisë Superiore.
Laçi do të presë në shtëpi skuadrën e Teutës e cila nuk njeh fitore prej 6 ndeshjesh në kampionat, ku 4 prej tyre janë humbje. Durrsakëve të drejtuar nga Stavri Nica kjo fitore u duhet jo vetëm për të kaluar krizën, por edhe për të marrë 3 pikët të cilët do t’i mbanin larg zonës së ftohtë në tabelën e klasifikimit.
Laçi, surpriza e këtij sezoni në Superligë, do të jetë e motivuar në maksimum për të dalë me rezultat pozitiv, pasi përballja me Teutën në një moment të tillë mund të shërbejë më së miri për të kapur Kupat e Europës.
Jo me më pak rëndësi do të jetë edhe takimi në Lushnjë ku vendasit do të presin Luftëtarin. Skuadra e drejtuar nga Hysen Dedja e sheh veten të zhytyr në vendin e fundit dhe përballja me gjirokastritët mund të shërbejë për të zgjuar ëndrrën e tyre.
Nga ana tjetër disfata në Kupë e Luftëtarit ka zbehur disi ecurinë pozitive, por 4 fitoret në katër ndeshjet e fundit në kampionat për ekipin e Likës tregojnë shumë.
