“Franca është skuadra më e mirë në botë në nivel individual. Mjafton të shikosh ekipin, luajnë të gjithë në skuadrat më të mira. Ne kemi avantazhin se jemi një skuadër. Do të kërkojmë të jemi më të mirë se ata si kolektiv”.
Trajneri i Spanjës, Luis Enrique, e ka prezantuar me këto fjalë finalen e Nations League kundër Bleus, në program të dielën në mbrëmje.
“Potenciali dhe cilësia e tre sulmuesve janë të padiskutueshëm, mund të ndryshojnë ndeshjet. Nuk do të ndryshojmë asnjë presje për ata. Jam i bindur se do të bëjmë një ndeshje të mirë dhe se do t’i vëmë në vështirësi. Duam të imponojmë lojën tonë”.
