Juventus ka shpërdoruar match point-in e parë për të siguruar titullin me humbjen e pësuar të enjten në fushën e Udinese-s.
Pavarësisht nga kjo, skuadrës së Sarri-t do t’i mjaftojë të marrë tri pikët të dielën kundër Sampdoria-s për të fituar titullin e nëntë radhazi.
Një sukses që nuk e shpërqendron gjithsesi klubin nga ato që janë planet për të ardhmen. Për sa i takon merkatos, në fakt, drejtuesit po punojnë për të zëvendësuar Gonzalo Higuain.
Shumë emra në listë, por duket se i preferuari është ai i yllit të Wolves, Raul Jimenez.
Sipas Todofichajes.com, Juventus mund të hidhet menjëherë në sulm me një ofertë 50 milionë euro dhe kartonin e Federico Bernardeschi-t.
Duket se është kjo formula e zgjedhur nga drejtuesit bardhezinj për të bindur klubin anglez. Një ofertë me vlerë të përgjithshme 80 milionë euro.
