Trajneri Bernard Shaland u shkarkua ditën e sotme nga detyra si trajneri i Kosovës pas 3 viteve në krye të dardanëve. Në konferencën për shtyp të mbajtur me presidentin e federatës, Agim Ademi, tekniku zviceran u tregua i drejtpërdrejte duke i thënë Ademit se nuk bëri mirë që e shkarkoi.
”Nuk jam i lumtur me vendimin e Agim Ademit për të më shkarkuar por gjithashtu them ‘faleminderit’ për mbështetjen dhe punën e Federatës.
Ishte për mua mundësi e mirë për të punuar me këtë Federatë dhe Federata ka bërë punë të mirë me mua, dhe duhet të them se nuk jam falënderues për sot por për gjithë eksperiencën që kemi pasur deri sot. Shpresoj që një ditë të rikthehem këtu, të paktën për t’i shkuar ndeshjet e ekipit”, ishin fjalët e 70-vjeçarit.
