72-vjeçari Arsene Wenger është rritur me dy ide fikse: futbolli dhe feja.
Ish-trajneri i Arsenal-it ka shpjeguar edhe se cili ka qenë ndikimi i fëmijërisë në mënyrën e tij të të stërviturit.
“Ndikimi në karrierën time në këtë situatë ka qenë se nuk ndihesha kurrë i plotë nga ajo që bëja, sepse më dukej se nuk bëja kurrë aq sa duhej”, ka thënë francezi për BBC4.
“Ishte feja që më ka bërë të ndihem gjithmonë pak fajtor, sepse feja katolike kështu funksionon. Duhej të rrëfeheshim çdo javë dhe ndonjëherë gënjeja sepse jo gjithmonë i mbaja mend të gjithë gjërat e gabuara që kisha bërë”.
Megjithatë, rezultatet e skuadrave të tija flasin për të. Dhe pikërisht duke mos u kënaqur “vetëm” me fitoren e Premier League, futbollistët e tij tek Arsenal janë bërë të “Pamposhtur”.
