Argjentina mori një fitore mjaft të vlefshme ndaj Perusë duke triumfuar 1-0 me gol të sulmuesit të Interit, Lautaro Martinez.
Por ajo që ka tërhequr vëmendjen nga ndeshja është gjesti i ylli argjentinas Lionel Mesi. Pas ndeshjes, ‘’pleshti’’ ka postuar një foto në rrjete sociale, duke e shoqëruar me një shkrim ku kritikon arbitrin. Mesi shkruan se gjyqtarët gjithmonë i penalizojnë dhe kjo mund të bëhet dhe me qëllim nga ana e tyre.
‘’ Ndeshje e vështirë për të luajtur. Frynte shumë erë, ata luanin shumë prapa duke lënë pak hapësira për ne. Gjyqtari gjithmonë e bën këtë kur arbitron në ndeshje tona, ndoshta e bën me qëllim. Por në fund morën tri pikë dhe jemi afër objektivit”, shkruan Mesi.
Postimi i yllit argjentinas është bërë viral duke marrë gati 6 milionë pëlqime në ‘’Instagram’’, por shumë janë habitur me atë çka shkroi Mesi.
