Kanë përfunduar dhe dy ndeshjet e tjera të ditës së sotme në Kategorinë Superiore.
Në orën 13:45 në stadiumin “Arena Egnatia”, Kukësi triumfoi me rezultatin 2-0 ndaj Vllaznisë. Me këtë triumf, skuadra verilindore klasifikohet e treta në kuotën e 11 pikëve, ndërsa shkodranët renditen në vendin e 4 në kuotën e 9 pikëve.
Në orën 16:45 u luajt ndeshja Skënderbeu-Dinamo e fituar nga blutë e kryeqytetit me rezultatin 0-1. Me këtë triumf “nëndetsja” renditet në vendin e pestë në kuotën e 9 pikëve, ndërsa korçarët klasifikohen në vendin e fundit në kuotën e tre pikëve.
Gjatë ditës së djeshme Teuta mposhti skuadrën e Egnatias dhe Laçi arriti fitoren e parë në kampionat teksa mposhtën në transfertë Kastriotin.
Ndërkohë nesër do të luhet dhe kryendeshja e javës së gjashtë në Kategorinë Superiore, derbi i kryeqytetit Tirana-Partizani në orën 19:45 në stadiumin “AIR Albania”
SFIDAT E JAVËS SË 6-TË NË KATEGORINË SUPERIORE –
E shtunë, 23 tetor 2021 –
EGNATIA 0-1 TEUTA
Kallaku (p) 80′
KASTRIOTI 0-1 LAÇI
Mazrekaj 71′
E dielë, 24 tetor 2021 –
KUKËSI 2-0 VLLAZNIA
Sh. Taipi 29′, Ndreca 83′
SKËNDERBEU 0-1 DINAMO
Çinedu 69′
E hënë, 25 tetor 2021 –
TIRANA – PARTIZANI | 19:45 | “AIR Albania”
RENDITJA
