Cristiano Ronaldo njihet për pasionin e tij për makinat dhe e fundit që do t’i shtohet koleksionit të tij është me të vërtetë super.
Sulmuesi i Manchester United ka siguruar një Bugatti Centodieci, xhevahiri i ri i markës së themeluar nga Ettore Bugatti. Bugatti ka prodhuar vetëm 10 ekzemplarë të tillë.
Çmimi është pak më shumë se 10 milionë euro dhe frymëzohet nga modeli historik i Bugatti-t.
E ndërtuar në Francë, makina ka një motor prej 1500 kuajsh fuqi dhe është e aftë të shkojë nga 0 në 100 km/h në 2.4 sekonda dhe mund të arrijë deri në 380 km/h.
Dorëzimi i makinës pritet të bëhet në 2022-shin.
Lajmi është raportuar nga Corriere della Sera.