Rinovimi i Brozoviçit është ndoshta tema më e nxehtë te zikaltrit për shkak të skadencës së kontratës aktuale në qershorin e ardhshëm.
Edhe pse takimi pritet të kryhet pas pauzës së kombëtareve, tratativa, pavarësisht dëshirës së kroatit, nuk pritet të jetë e lehtë.
Siç zbulon “La Gazzetta dello Sport”, Brozoviç i ka rritur pretendimet e tij dhe tashmë kërkon të paktën 6 milionë euro për të hedhur firmën, shifër kjo që në një moment delikat ekonomik si ky i zikaltërve, duket shumë e lartë.
Zhang po e ndjek politikën e kursimeve edhe te rinovimet, por mbase për 28-vjeçarin është momenti të bëhet një përjashtim, aq më tepër kur PSG, Mançester Junajtidi dhe Totenhemi janë në prag dhe gati të përfitojnë nga situata.
