Superliga është një nga argumentet “e nxehta” ende në shumë diskutime në skenën e futbollit europian…
Projekti i 12 klubeve të Kontinentit të Vjetër, i cili u zbulua pranverën e kaluar dhe është ende i gjallë veçanërisht për angazhimin e tre klubeve (Real Madrid, Barcelona dhe Juventus) pas kthesës së të tjerëve, është një nga temat që ndez më shumë debat si brenda institucioneve të futbollit ashtu edhe mes tifozëve.
Javët e fundit edhe Parlamenti Europian është shprehur kundër këtij kompeticioni të ri sepse “kërkon një ekuilibër mes interesave komerciale të sportit profesional dhe funksioneve të tij sociale”, por ditët e fundit është rikthyer të flitet për një organizim të ri të formatit me anëtarësimin e klubeve të reja dhe me një sistem që parashikon promovime dhe rënie.
Optimizmi filtron veçanërisht tek kompanitë që po zhvillojnë betejën e tyre me një veprim ligjor ndaj organeve drejtuese të futbollit europian dhe botëror (UEFA dhe FIFA) për t’i dhënë fund pozicionit të tyre monopol në menaxhimin e këtij sporti, por në orët e fundit ka edhe disa lajme në lidhje me ndikimin në rrjetet sociale që ka pasur ky projekt i ri.
Përplasja në Superligë është shumë e hapur dhe ka qenë një nga temat më të komentuara nga përdoruesit në platformat dixhitale por nga Spanja bëjnë të ditur se ka pasur dhe ka qindra ‘robot’ që tentuan të manipulojnë diskutimin, veçanërisht në Twitter, në favor të konkursit të ri: sipas një raporti të detajuar të përgatitur nga konsulenca Pandemia Digital në të cilën gazeta El Confidencial kishte akses, tregon sesi është kryer ky operacion me vëmendje në të gjitha detajet.
Ky hetim filloi me mbështetjen për hashtagun #EstamosContigoPresi, i përdorur për të mbështetur Florentino Pérez kur presidenti i Real Madrid mbeti vetëm me Barcelonën dhe Juventusin për të realizuar projektin, dhe në atë hashtag u analizuan 18 000 tëeet nga 7000 llogari, shumë prej tyre të sapokrijuar dhe pa ndjekës të ardhur kryesisht nga Spanja dhe vendet arabe.
Studimi beson se fushata u nis përmes ‘boteve’ dhe ‘qendrave troll’ pasi “më shumë se 10 tëeet-e në 1 sekondë u postuan në kulmin e aktivitetit, diçka njerëzore e pamundur”.
Raporti thekson se këto janë llogari të automatizuara që shërbejnë për të përforcuar profilet e lidhura.
Përpjekja për të manipuluar debatin për Superligën, megjithatë, nuk do të kishte nisur vetëm pasi problemet kishin pas njoftimeve për shtyp të skuadrave që u tërhoqën nga projekti, por tashmë ishte e qartë që në momentet e para pas nisjes së zyrtarizimit.
Nga nata e 18 prillit dhe në 72 orët në vijim, më shumë se 2 milionë tëeet mbi këtë temë u gjeneruan nga gjithsej 272 000 profile: hetimi zbuloi se “shumica dërrmuese e tëeeteve me ndikim ishin kundër Superligës” me përjashtim e profileve të Real Madridit dhe programit ‘El Chiringuito’.
Në ato ditë u krijuan qindra llogari që morën pjesë në bisedën për këtë temë, por shumë prej tyre ngjallën menjëherë shumë dyshime, sepse përfundojnë me tetë shifra dhe “tregon se janë krijuar automatikisht” ose, me fjalë të tjera, se janë ‘robotike’.
Një nga përpjekjet më të dukshme ishte publikimi i 3600 postimeve në Twitter, ku përfshihej fraza: “Superliga është një ide e mirë dhe do të revolucionarizojë futbollin”.
Disa profile, sipas dokumentit, kanë përsëritur të njëjtin operacion me dhjetëra herë, përgjithësisht në përgjigje të profileve me një numër të madh ndjekësish si ato të ekipeve të futbollit
Kërcënimi i presidentit të UEFA-s Aleksander Ceferin për të larguar Real Madridin, Barcelonën dhe Juventusin nga Liga e Kampionëve nëse e shtynin projektin e tyre përpara u përgjigj në hashtag #CeferinOut, i cili ishte trend në mbarë botën; por e njëjta gjë vlen edhe për protestat kundër Javier Tebas (# TebasDimisión), pavarësisht se është një çështje më e diskutuar kryesisht në Spanjë. Sipas Pandemia Digital, përdoruesit që morën pjesë në dy fushatat sociale, si dhe “pothuajse të njëjtë” janë ata që morën pjesë edhe në “fushatën në favor të Florentino Pérez”.
