Ndeshja ndaj Andorrës ishte e veçantë për disa lojtarë, duke filluar me mbrojtësin e majtë, Erjon Hoxhallari, i cili luajti për herë të parë si titullar me Kombëtaren shqiptare.
Nga ana tjetër, fantazisti Endri Çekiçi, i cili realizoi edhe golin e fitores, luajti për herë nga fillimi dhe deri në fund të 90 minutave një ndeshje si kuqezi. Në kohën shtesë trajneri Reja kishte menduar ta zëvendësonte pogradecarin, por edhe pse u bë gati mesfushori Enis Çokaj, ndërrimi nuk u realizua.
Ndeshja ndaj Andorrës do të mbahet mend gjatë edhe nga sulmuesi Ernest Muçi, pasi arriti të debutonte me fanellën e Kombëtares.
