Garet Bejl nuk po gjen qetësi nga dëmtimet. Uellsiani është larguar nga grumbullimi me kombëtaren dhe do të kthehet tek Reali për analiza të tjera.
Lajmin e bëri të ditur Federata, e cila thotë se sulmuesi ka një problem në pulpë dhe se nuk do të luajë me kombëtaren. Tani Real Madridit i duhet të bëjë pa Bejl për ndeshjet e ardhshme. Priten konfirmime, por me shumë gjasa sulmuesi do të mungojë në ndeshjen e ardhshme me klubin e tij.
Që nga rikthimi këtë sezon tek spanjollët, Garet Bejl ka humbur 13 ndeshje, 9 në kampionat dhe 4 në Ligën e Kampioneve. 32 vjeçari ka vuajtur shpesh nga dëmtimet dhe kjo ka sjellë pasiguri për të ardhmen e tij tek skuadra e Realit.
