Barcelona ka marr një fitore të madhe si mysafir i Dinamo Kiev me rezultat 1-0 në kuadër të xhiros së katërt të fazës së grupeve të Ligës së Kampionëve.
Ndeshja nisi më mirë për Barcelonën që rrezikuan me Mempis Depay që në minutën e 4-të.
Mykola Shaparenko rrezikoi në minutën e 28-të, por pa suksese.
Katalunasit kishin dy raste në fundin e pjesës së parë me Nico e Jordi Alba, por asnjëri nuk arriti të shënojë.
Barcelona kërkoi penallti në minutën e 63-të, por njëjtë nuk mendoi gjyqtari pasi shikoi në VAR.
Goli i shumëpritur erdhi në minutën e 70-të, kur Ansu Fati gjuan bukur nga brenda zonës për të shënuar për 1-0.
Dinamo kishte dy rast të mira në minutat 82’ dhe 90’, por nuk arritën të ndryshojnë shifrat.
Barcelona me 6 pikë është në vendin e dytë në grupe, ndërsa Bayern Munich e ka siguruar kualifikimin.