Pasi iu dëmtuat Alesandro Bastoni në derbi, Interit do t’i duhet të bëjë dhe pa Stefan De Vraj që është dëmtuar mbrëmjen e djeshme në sfidën Mali Zi-Holandë.
Qendërmbrojtësi qëndroi i shtrirë në fushë për disa minuta më pas u zëvendësua në minutën e 90-të të takimit duke shtrënguar kofshën e djathtë.
Një lajm aspak i mirë për zikaltrit që humbasin titullarin e mbrojtjes prag sfidës me Napolin kryesues në fundjavë.
De Vraj do t’i nënshtrohet ditën e sotme testeve më të hollësishme për të mësuar dhe shkallën e dëmtimit të tij, dhe sa do t’i mungojë zikaltërve.
