Myrto Uzuni vazhdon formën e mirë te Ferencvaroshi. Beratasi u bë protagonist mbrëmjen e djeshme në sfidën ndaj Sëlltikut në Ligën e Europës, duke shënuar një super gol me stil ‘’alla Insinje’’.
Pasi mori një top nga Mae, Uzuni goditi bukur me të djathtën duke mos i dhënë asnjë shans portierit të skocezëve që të reagonte.
26-vjeçari është vlerësuar me notën 7.6 e cila është dhe më e larta në skuadrën e Ferencvaroshit në sfidën ndaj Sëlltikut.
Uzuni ka shënuar 4 gola në 3 ndeshjet e fundit me hungarezët duke u bërë dhe njeriu i momentit.
Shpresojmë që forma e mirë e beratasit të vazhdojë dhe me Kombëtaren, aty ku Shqipëria do të ndeshet me Anglinë dhe Andorrën për eliminatoret e Botërorit.