Jean Junior Onana ka kërkuar falje që i ka kërkuar fanellën Neymar-it pas pjesës së parë të sfidës mes Bordeaux dhe Paris Saint-Germain.
Lojtari i Dallëndysheve ka marrë shumë kritika sepse skuadra e tij po humbte 2-0 në atë moment dhe sepse të dy golat ishin shënuar nga braziliani.
“I kam kërkuar Neymar-it fanellën për një mik. Nuk duhej ta kisha bërë pas pjesës së para para syve të të gjithëve, mund ta kisha bërë në dhomat e zhveshjes”, ka shkruar Onana në rrjetet sociale.
“Dua t’u kërkoj falje të gjithë tifozëve dhe të gjithë atyre që mund të kem ofenduar”.
