Besëlidhja është rikthyer te fitoret dhe besimi në kampin lezhjan po rritet ndeshjes pas ndeshje.
Katër fitore e fundit në kampionat kanë rikthyer entuziazmin në skuadër, që duket më e bashkuar se kurrë. Ditën e sotme, klubi lezhjan ka surprizuar futbollistin Sreçko Milivojeviç për 24-vjetorin e lindjes së tij.
Lojtarët bashke me klubin kanë pritur bashkëlojtarin me një ceremoni të thjeshtë, por shumë domethënëse sa i përket harmonisë së klubit. E gjithë kjo ka qenë një nismë e presidentit të Besëlidhjes, Gjok Noka që është mjaft aktiv në punën e tij në klub.
Këtë javë, lezhjanët sfidojnë Tërbunin në shtëpi, duke ardhur me moral të fortë pas fitores 2-3 ndaj Maliqit dy ditë më parë.