Emërimi i Çavi Hernandez si trajner i Barcelonës, ka sjellë shumë entuziazëm tek tifozët. Ish-mesfushori i katalanasve vazhdon të dhurojë spektakël edhe pse ka vite që është tërhequr.
Një video e publikuar nga klubi në ‘Twitter’ tregon një seancë stërvitore, ku Çavi i mëson lojtarëve sesi të godasin topin. E veçanta është se është pikërisht spanjolli, i cili kroson. Topi i dhënë është thuajse perfekt dhe të kujton kohët kur 41 vjeçari mahniste botën me klasin e tij.
“Koha nuk kalon”, thuhej në postim, duke ju referuar faktit që edhe pse ka vite që e ka lënë futbollin prapë se prapë klasi mbetet. Ndoshta lojtarët e Barçës duhet të marrin mësim sesi të godasin.
Çavi u bë trajner i Barcelonës pas eksperiencës mjaft të suksesshme në Arabi me Al Sad. Spanjolli zëvendësoi Ronald Kumanin, i cili u shkarkua për rezultatet negative.
🕰 El tiempo no pasa pic.twitter.com/etioTTBv1u
— FC Barcelona (@FCBarcelona_es) November 11, 2021