Futboll Shqipëri Sport

KONFIRMIMI NË SOUTHMPTON/ Broja gati për Shqipërinë, luan në Wembley

Lajmi i madh, që të gjithë e prisnin erdhi nga Southampton: Armando Broja është gati për dy sfidat e fundit të Kombëtares, ndaj Anglisë dhe Andorrës.

Konfirmimin e dha klubi anglez nëpërmjet një deklarate për shtyp, ku saktësoi se sulmuesi do të luajë në Wembley këtë të premte, përballë Tre Luanëve.

Broja kishte pësuar një lëndim në kavilje dhe stafi mjekësor i Southampton vendosi ta mbante nën vëzhgim për ta kuruar. Me shpresën se mrekullia do të realizohej, edhe stafi kuqezi e pranoi këtë zgjidhje, për më tepër që i kurseu futbollistit udhëtimet, kohë e cila u shfrytëzua për rehabilitimin e tij të plotë.

Rikuperimi i talentit 20-vjeçar u bë i mundur dhe ai do të jetë në dispozicion të trajnerit Edy Reja, përse jo, për ta nisur si titullar në ndeshjen ndaj Anglisë. Ky zhvillim pozitiv bëri që sulmuesi Ernest Muçi, i afruar si alternativë në Kombëtaren A, të kthehet te Shpresat për ndeshjet vendimtare në transfertë me Slloveninë dhe Kosovën.

Përpos lajmeve të mira për Brojën, pozitive duket edhe ecuria e Thomas Strakoshës. Portieri u paraqit në grumbullim me dhimbje në gju, por po vijon të stërvitet normalisht me grupin dhe pritet të jetë gati.

Related posts

MERKATO/ Marotta injoron yllin e Arsenal: Objektivi ynë kryesor është ai

Q.Autor

MARRËVESHJA PRANË FINALIZIMIT/ Trilogjia Holyfield-Tyson do të gjenerojë 100 milionë dollarë

Delo.autor

PLASIN POLEMIKAT NË PREMIER/ Shikoni momentin kur Manchester City kërkon penallti gjatë aksionit që shënoi Fabinho (VIDEO)

Delo.autor

Leave a Comment