Agjenti i Gianluigi Buffon, Silvano Martina, foli me mikrofonët e RTP për të komentuar lajmin e raportuar dje nga “A Bola”, në lidhje me një interes të pretenduar nga Benfica për portierin 43-vjeçar: “Benfica është padyshim një klub interesant”. E përditshmja luzitane, ndër të tjera, siguroi se Sevilla dhe Olympiacos do të ishin gjithashtu në ndjekje t ëish-portierit të Juventusit. Siç është shpjeguar nga i njëjti lojtar edhe gjatë “ndeshjes së zemrës”, nuk ka asnjë nxitim për të vendosur mbi të ardhmen.
Buffon mori disa ditë për të vlerësuar të gjitha ofertat dhe për të vendosur nëse do të vazhdojë apo do ta mbyllë karrierën e tij të jashtëzakonshme. Benfica shpreson ta bindë atë për t’i mbrojtur portën dhe fjalët e agjentit të tij lënë të hapura më shumë se një mundësi: “Sigurisht që Benfica mund të na interesojë, është një klub interesant. Por, unë nuk kam pasur asnjë kontakt me të, drejtpërdrejt ose përmes ndërmjetësve”.
