Pas një fillimi jo shumë të mirë të sezonit, Arsenal-i i Mikel Arteta-s duket se ka marrë veten.
Topçinjtë, në fakt, nuk kanë pësuar asnjë humbje në nëntë ndeshjet e fundit, në cilat ka marrë gjashtë fitore, duke u ngjitur deri në vendin e shtatë të renditjes, me pikë të barabarta me United, që ka luajtur një ndeshje më shumë.
Për londinezët ka folur një nga golashënuesit më të mirë në historinë e klubit, Thierry Henry, i cili ka shpjeguar se në çfarë mënyre ish-skuadra e tij mund të kthehet të fitojë Premier League:
“Mendoj se Topçinjtë kanë nevojë për katër blerje, për shtyllën kurrizore. I duhet një portier, një qendërmbrojtës i ri, një mesfushor që mban topin dhe, më vjen keq ta them, një sulmues i madh. Vetëm kështu do të mund të fitojnë përsëri”, ka thënë Titi.
