Edhe pak ditë dhe do të mësohet zyrtarisht fituesi i Topit të Artë 2021.
Kurrë si këtë vit nuk ka patur më shumë pasiguri mbi fituesin. Në listën e kandidatëve, përveç Messi, Jorignho dhe Lewandowski-t, janë edhe Karim Benzema dhe N’Golo Kante.
Janë këta dy të fundit që mbështeten nga Thierry Henry.
“Duhet të jemi realistë. Unë shpresoj që Topin e Artë ta fitojë Karim Benzema ose Kante. Robert Lewandowski do ta kishte fituar në 2020 nëse nuk do të ishte anuluar”, ka thënë ish-sulmuesi.
“Më pas mund të flasim edhe për Jorginho, sepse ka fituar gjithçka mes Champions League dhe Euro 2020. Natyrisht, është edhe Leo Messi që ka fituar më në fund Copa America”.