706 milionë sterlina, mbi 830 milionë euro.
Ky është borxhi neto i Tottenham, siç mund të shihet nga bilanci i publikuar nga Spurs në faqen zyrtare të klubit. Covid-19 ka ndikuar rëndë në financat e klubit, me të ardhurat që vijnë nga shitja e biletave që janë reduktuar në minimum.
Kësaj i shtohet mungesa e kualifikimit në Champions League, një goditje e rëndë për llogaritë e Spurs.
Daniel Levy, presidenti i Tottenham, ka deklaruar:
“Rezultatet financiare të publikuara për vitin tonë të mbyllur më 30 qershor 2021, reflektojnë periudhën e vështirë të pandemisë që ka ardhur në momentin e hapjes së stadiumit tonë në prill 2019-të.
“Tani jemi të lumtur që tifozët tanë mund të kthehen në stadium për të mbështetur lojtarët. Dua t’i falënderoj në mënyrë të veçantë për mbështetjen e tyre të vazhdueshme gjatë kësaj periudhe të vështirë”.