Milano do të ketë një stadium të ri dhe për këtë kanë rënë dakord të treja palët, bashkia, klubi i Interit dhe klubi i Milanit. Në një prononcim për mikrofonat e “SKY Sport”, kryebashkiaku i Milanos, Bepe Sala ka deklaruar se aprovimi është çështje ditësh ose në mënyrën mjaft të shpejtë çështje orësh:
“Këshilli bashkiak po punon dhe së shpejti pritet miratimi. Nëse nuk do të vijë nesër, do të jetë të premten e ardhshme. Besoj se në këtë pikë, siç është formuluar, nuk kemi më pasiguri të mëdha.
Besoj se vendimi i interesit publik duhet shpjeguar mirë, edhe qytetarisë dhe gjithë botës së politikës.
Mendoj se si e nisëm dy vite më parë, kemi bërë përparime të mëdha.”, tha kryebashkiaku i Milanos, Bepe Sala.
