Futboll Sport

SFIDA NDAJ MILANIT/ Mateus i bindur: Duelin e vendos Xheko, Interi favorit për titull

Lotar Mateus është gati të vërë bast për suksesin e Interit. Jo vetëm në derbi, por edhe në kampionat ku pret që ekipi i Inzagit të konfirmohet si kampion Italie. Në një deklaratë për “Tuttosport” ish-xholi zikaltër ka thënë:

“Shpresoj shumë që Interi të shpallet përsëri kampion. Më shumë sesa Milani, për mua, një tjetër favorit për luftën e kampionatit shoh Napolin. Spaleti ka ndërtuar një makineri që shënon shumë e pëson pak”. Parashikimet për derbin e Milanos janë në rend të ditës. Edhe ish-futbollisti gjerman do të thotë fjalën e tij lidhur me takimin e së dielës mbrëma.

“Milani është në krye të renditjes së bashku me Napolin dhe kanë 7 pikë më shumë se Interi. Diferenca është e madhe, por në derbi këto aspekt nuk ndikojnë. Zikaltrit kanë mundësi të larta për të mundur kuqezinjtë dhe paraqiten në këtë përballje me moralin e lartë falë fitores në Champions kundër Sherifi”, tha 60-vjeçari që ka edhe të preferuarit e tij për titullin “Njeriu i Ndeshjes”.

Për Mateusin: “Xheko mbase nuk është Lukaku, por është një garanci. E admiroj tej mase edhe Lautaron që ka në repertor teknikë dhe gola.

Numri im 10 i shkon shumë argjentinasit”. Në janar zikaltrit mund të përforcohen në merkato. Mateus ka këshilla edhe në këtë drejtim për ish-klubin ku u shpall kampion Italie. “Po të isha drejtues i Interit, do të tentoja blerjen e Vircit të Bajer Leverkusenit. Është 18 vjeç, por ka shumë cilësi. Inzagit mund t’i bënte shumë punë”.

Related posts

MENDON PËR MERAKTON E JANARIT/ Arsenal propozoi mesfushorin Ozil tek Juventus, italianët kthejnë përgjigje

Delo.autor

KORONAVIRUSI NË MEKSIKË/ 22 lojtarë të klubit të futbollit Cruz Azul pozitivë me COVID-19

Delo.autor

KALENDARI I PLOTË/ Nga Kombëtarja tek Conference League, një vit plot evente të mëdha për futbollin shqiptar

Delo.autor

Leave a Comment