Aventura e Ole Gun Solskjaer te Mançester Junajtid është drejt fundit, aq sa “djajtë e kuq” janë vënë në kërkim të zëvendësuesit të norvegjezit.
Gazetat britanike zbuluan se Junajtid kishte “infiltruar” Ronaldon dhe Varanen që t’i mbushnin mendjen Zinedine Zidane të ulej në stolin e ekipit. Lajmi bëri bujë, pasi Zidane është një ndër trajnerët më të mirë në Europë me shumë rekorde të arritura me Real Madridin.
Por “MARCA”, ka zbuluar se gruaja e Zidane, Veronikë Zidane nuk është dakord për këtë aventure pasi nuk do të jetojë në Mançester dhe i ka sugjeruar bashkëshortit të saj zgjatje të pushimeve për të gjetur vend pune diku gjetkë.
Mesa duket tentativa e Mançester Junajtid për të afruar Zidanen është zbehur totalisht, pasi në këtë marrëveshje është përfshirë dhe vetë familja e francezit. Tani “djajtë” do të kërkojnë një opsion tjetër për të zëvendësuar Solskjaerin.
