Treshja e sulmit të Çelsit: Romelu Lukaku, Kallëm Hadson-Odoi dhe Timo Verner rezultuan pozitivë me COVID në kampin e Çelsit përpara ndeshjes së djeshme me Evertonin, ndërkohë që Kai Haverc mungoi gjithashtu sepse ishte në pritje të rezultatit të testit.
Këtyre u shtohen edhe Kovaçiçi dhe Çiluelli i cili është gjithashtu i dëmtuar, duke shndërruar në një vatër infeksioni edhe skuadrën e Tomas Tuhelit.
Ndërkohë që Liverpuli konfirmoi përpara ndeshjes së djeshme me Njukasëllin se tre lojtarë rezultuan pozitivë: Jyrgen Klop humbi për ndeshjen kundër “Qymyrxhinjve” Virxhil Van Dajkun, Fabinjon dhe Kërtis Xhonsin, të cilët janë futur menjëherë në izolim.
