Një seri fotografish për të dokumentuar atë që ka qenë arritja e tij për Krishtlindje.
Po flasim për Fabio Cannavaro, ish-mbrojtës dhe trajner, që ka publikuar disa fotografi në rrjetet sociale për të treguar atë që ka bërë këto ditë. Në Instagram, kampioni i botës 2006 ka treguar se çfarë ka bërë me biçikletën e tij.
Cannavaro ka përshkuar distancën prej 254 kilometrash, ose më saktë atë që ndan Napolin e tij me Romën. Gjithçka, me dy rrotat të fotografuara në imazhe të ndryshme.
Ish-yllit të Italisë i janë dashur 7 orë dhe 43 minuta, siç ka shkruar ai në postim. Në fotografi shihet një kënaqësi e madhe për arritjen e realizuar me sukses, që ka marrë edhe shumë komente.
Mes të shumtëve që kanë dashur të lënë “një mendim” për Cannavaro-n ka qenë edhe Luca Toni që ka bërë shaka mbi faktin se ish-shoku i kombëtares po përdorte një biçikletë elektrike për t’ia bërë më të lehtë punën vetes.
