Vllaznia-Partizani është kryendeshja e mesjavës në “Abissnet Superiore”. Diferenca mes ekipeve është vetëm dy pikë dhe pritet një ndeshje me shumë emocion.
Vllaznia e ka rimarrë veten në kampionat, ku në tre ndeshjet e fundit ka marrë dy fitore dhe një barazim. Skuadra e Brdariç shihet si një ndër pretendentët kryesore për fitimin e trofeut dhe fakti që luajnë përballë tifozërisë së tyre në “Loro Boriçi”, është një motivim më shumë.
Nuk mbetet prapa Partizani, me të kuqtë që vijnë pas dy fitoreve radhazi ndaj Teutës dhe Skënderbeut. Një rezultat pozitiv ndaj shkodranëve do t i katapultonte në zonën evropiane.
LIVE/ Vllaznia – Partizani 1-0
MINUTË PAS MINUTE
28′ Latifi
MINUTË PAS MINUTE
90’+1’ Bulatoviç hyn në fushë në vend të Latifit.
90′ Jepen 5 minuta shtesë në fundin e ndeshjes.
85’ Mala gjuan dy herë radhazi, përsëri nuk ia del të dërgojë sferën në rrjetë me tentativën e dytë që fluturon jashtë katërkëndorit.
82’ Brdariç freskon mesfushën duke aktivizuar Krujën në vend të Da Silva.
81’ Mala i afrohet golit me një gjuajtje nga e djathta, Zogoviç grushton e më pas largon mbrojtja.
77’ Në lojë edhe Murataj në vend të Rrapajt te të kuqtë.
68’ Ndryshon shpejt Brdariç duke aktivizuar Heriç në vend të Gjurgjeviç. Edhe te Partizani ka dy lëvizje me Kaçen e H. Markun të cilët i lënë vendin në fushë Kotes dhe Maget.
66’ Vllaznia mbetet me 10 lojtarë. Krymi ndal në mënyrë të parregullt Carën i cili ishte nisur drejt zonës dhe gjyqtari i tregon kartonin e kuq.
57’ Vllaznia kërkon penallti për prekje të topit me dorë nga Belica në zonën e të kuqve pas një harkimi nga e djathta, gjyqtari bën shenjë që loja të vazhdojë.
55’ Gjuajtje e Zhunior nga e majta, sfera përfundon në duart e Zogoviç.
46’ Vllaznia nis pjesën e dytë duke goditur shtyllën me Gurishtën, Gjurgjeviç nuk arrin më pas të shtyjë sferën në rrjetë.
45’ Mbyllet pjesa e parë me avantazhin minimal të Vllaznisë.
42′ Gligorov i lë vendin në fushë A. Markut në radhët e Partizanit.
38’ Gjuajtje e Jonuzit, sfera nuk gjen katërkëndorin e portës së Partizanit.
30′ Musta ndëshkohet me karton të verdhë te Partizani.
28’ GOOOL Vllaznia. Shkodranët kalojnë në avantazh pas një skeme në goditje dënimi me Teqjen që bën mrekullinë ndaj Gurishtës, por jo përballë Latifit i cili shtyn sferën në rrjetë
9′ Da Silva provon nga një goditje dënimi, por që gjen në gatishmëri portierin Teqja, ndërsa më pas loja ndalet për një faull ndaj portierit të Partizanit
8’ Harkim nga e majta në zonën e Vllaznisë, Latifi kërcen për të goditur por bën faull ndaj portierit Teqja i cili kishte kontrolluar sferën.
4’ Menjëherë rrezikshëm Vllaznia me Gjurgjeviç i cili shfaqet para Teqjes, por sheh gjuajtjen e tij të ndalet nga portieri. Më pas është Latifi i cili gjuan por nuk gjen katërkëndorin.
1’ Nis ndeshja në stadiumin “Loro Boriçi”.
