Kthehet të flasë Massimo Ferrero, i cili direkt nga burgu i San Vittores, ku ndodhet, i qetëson të gjithë për gjendjen e tij shëndetësore. “Jam mirë, tani jam mirë, edhe pse në qeli”, – u tha mikrofonave të “La Stampa” presidenti i dorëhequr nga Sampdoria.
Ferrero është i përfshirë në hetimin e prokurorit të Paola (në provincën e Kozencës) për falimentim: “Të hënën u zemërova me gjykatësit që nuk më lejuan të transferohesha në shtëpinë time në Romë për të qëndruar i mbyllur atje. Qëndrimi në qeli më ka sjellë rrjedhje gjaku nga hunda dhe rritje të presionit arterial”.