Futbollistët janë njerëz me shumë influencë dhe si të tillë trajtohen ndryshe nga të tjerët. Megjithatë jo të gjithë i shohin ata në këtë mënyrë. Një incident i ka ndodhur Uejn Runit.
Ish-sulmuesi i Mançester Junajtid kishte parkuar makinën e tij në një zonë që nuk lejohej. Ajo zonë ishte e përcaktuar për tu përdorur për aktivitetet e fundvitit. Burimet e zonës thanë se anglezi kishte refuzuar madje që ta lëvizte mjetin, pasi organizatori i aktivitetit ja kishte kërkuar këtë gjë.
Si pasojë e këtij veprimi disa njerëz shkruan në makinë e Runit, duke e evidentuar si një shembull të keq. Përveç ofendimeve për sulmuesin, një ndër frazat thoshte që ai duhet të humbte peshë. Gjithashtu makina iu vendosën dhe disa kona rrethues duke mos e lënë të largohej.
Fotot kanë bërë namin nëpër rrjet. Ndoshta Runi herën tjetër do të mendohet më mirë se ku e lë makinën.