Tekniku portugez i Romës, Zhoze Murinjo, është kthyer në Milano në prag të sfidës së ekipit të tij kundër Milanit. Ajo që u vu re ishte mikpritja e ngrohtë nga ana e tifozëve të Interit drejt portugezit.
Pas largimit nga Interi, Murinjo ka marrë drejtimin e pesë ekipeve të tjera, por tifozët zikaltër nuk e kanë harruar atë që portugezi ka bërë për ta në sezonin 2009-10. Tekniku i Romës u fotografua me disa tifozë të Interit, ndërkohë që këta të fundit i kishin bërë një dhuratë.
“Për zotin Zhoze Murinjo. Karriera juaj profesionale do ju çoj kudo, por ju jeni dhe do të mbeteni njëri prej nesh” shkruhej në një pllakë e cila i’u dorëzua Murinjos nga tifozët. Pak më parë, në prag të sfidës së sotme, portugezi ishte shprehur se kurrë nuk do të drejtonte Milanin dhe Lacion, për rrespekt të dy klubeve që ka drejtuar në Itali.
