Granit Xhaka është pozitiv ndaj COVID-19…. përsëri. Lajmin e ka bërë të ditur klubi i Arsenalit, duke konfirmuar infektimin për herë të dytë brenda pak muajsh të mesfushorit i cili mori famë të padëshiruar në Angli për faktin se nuk ishte i vaksinuar në fillimin e këtij sezoni.
Klubi i Arsenalit konfirmoi se ai nuk do të ishte pjesë e skuadrës që do të luante në Kupën FA ndaj Notingem Forest pasi testi i fundit që u ishte bërë pjesëtarëve të ekipit, kishte shfaqur atë pozitiv. Për 29-vjeçarin ishte hera e dytë, pas infektimit në muajin shtator, ku ai u desh të humbte sfidën kualifikuese të Botërorit ndaj Italisë.
Asokohe, futbollisti nuk ishte i vaksinuar dhe në Angli, por edhe në Zvicër, kjo u bë një çështje e madhe. Nuk dihet nëse Xhaka ka ndryshuar mendje dhe tashmë është i vaksinuar kundër COVID apo jo.
