FIFA si çdo vit jep çmime në bazë të pozicionit në të cilin luajnë futbollistët. Tanimë janë shpallur tre finalistët për çmimin “Portieri më i mirë i Vitit”. Në tre kandidatët është përfshirë një veteran si Manuel Nojer, por dhe emra të rinj. T’i shohim se kush janë finalistët.
Manuel Nojer
Kapiten dhe titullar i padiskutueshëm me Bajern Mynihun. Në sezonin që shkoi fitoi gjithçka në Gjermani. Nuk është hera e parë që Nojer gjendet mes finalistëve.
Eduard Mendi
Ishte protagonist në fitoren e Çempions Ligës me Çelsin. Një emër i panjohur muaj më parë, por besimi i trajnerit e ka bërë një ndër portierët më të mirë në botë.
Xhanluigji Donaruma
Nuk mund të mungonte, pasi fitoi Europianin 2020 me Italinë. Vendimtar me pritjet e penalltive kundër Anglisë. U shpall dhe “Lojtari i Turneut”. Shihet nga shumë si favorit për ta fituar.
